PENATAI TERMINALOGI JAKU IBAN

PENATAI TERMINALOGI JAKU IBAN

Penatai terminalogi jaku Iban datai ari tiga bansa jaku iya nya jaku seperugan, jaku English enggau jaku bansa bukai.

JAKU SEPERUGAN

Polisi nginjau dalam jaku iban lebih berat agi menatika jaku English ti endang nyadi ke lingua franca ti entap agi dikena dalam komuniksayen entarabangsa. Dalam histori jaku English mayuh udah berasuk enggau jaku iban kenyau ari jemah Rajah ti megai menua Sarawak. Taja pia jaku perugan ti mungkur jaku etnik ti engkeman enggau daya idup mega dikenataika lalu diinjau dalam jaku Iban ke pengaya jaku Iban. Jaku melayu mayuh diserap ngagai jaku iban. Enti ari jaku bahasa melayu iya ngena chari ngijau terus. Leka jaku ti nginjau diambi sereta diterima enggau silik ari jaku asal reti nya nadai berubah ari segi sepil enggau reti taja pan disebut nitihka kaul dilah iban empu.

JAKU ENGLISH

Jaku English nya sesebengkah jaku bansa bukai ti chakah nginjau ke dalam jaku iban dalam semua bidangpelajar berindik ari jaku tu udah entap dikena sereta ngerembaika serata dunya ti ngujungka iya diaku nyadi jaku entarabangsa.

 Gaya nginjau dalam jaku English iya nya ngena chara injau terus, injau salin, injau pengasai  enggau injau serap. Injau terus iya nya diambi sereta diterima enggau silik ari jaku asal nadai berubah ari sepil enggau reti taja pan disebut nitihka kaul dilah iban. Chunto iya baka bank, hotel , bonus,standard. Injau salin leka jaku ti disalin lalu dibali ngagai jaku iban tang reti enggau konsep leka jaku nya agi mekang. Injau pengasai retinya leka jaku tidinjau lalu disepil nitihka pengentap sepil jaku iban ti udah dientapka sekeda urup dalam jaku ti diinjau berubah nitihka penemban urup disebut tauka disepil dalam jaku iban chunto iya bomb ( jaku English) lalu bom ( jaku iban). Injau serap iya nya leka jaku ti diinjau endang ulah udah entap sereta masai dikena dalam jaku iban. Semua leka jaku ti diinjau serap enda nyengala menatika gaya tukuh visual. Sepil iya ditulis ketebal agi nitihka munyi ti disebut ngena kaul dilah iban. Chunto iya baka ball – bal, bicycle – ensikal.

Jaku bansa bukai ngena chara injau terus tang ditulis chundung ( italicise). Sekeda jaku bansa bukai ti dinjau,diambi sereta diterima enggau silik ari segi sepil enggau konsep enggau reti tang ditulis chundung. Chunto iya jaku latin ultra vires retinya ngereja pengawa ngelui tikas kuasa ti patut.

ATUR PENEMA TERMINALOGI JAKU IBAN

Jaku Iban tu siti ari jaku di Malaysia ka benung deka ngerembai mansang nitihka singkang pemansang dunya kemaya hari tu. Dikena napi pemansang tu atur ti ngumpul lalu ngemasukkka jaku injau ari jaku bansa bukai ke pengaya jakau sigi chakah dipejalai ngambika jaku Iban ulih seraris enggau jaku bukai ti udah tegap. Polisi nginjau dalam Jaku Iban lebih berat agi menatika jaku English ti endang nyadi ke lingua franca ti entap agi dikena dalam komunikasyen entarabangsa. Ari segi sejarah jaku English mayuh udah berasuk enggau jaku Iban kenyau ari jeman Rajah ti megai menua Sarawak. Taja pia jaku seperugan ti mungkur jaku etnik ti engkeman enggau daya idup iban mega dikenantika lalu nginjau dalam jaku Iban ke pengaya jaku Iban.

Proses nempa terminalogi jaku Iban iya nya nengah penambah, betandu enggau bejantilkka. Jaku injau ti diberi penambah ulih nyadi jaku tumbuh taja urat jaku nya enda berubah atur meri penambah ngagai jaku injau sama sebaka enggau atur ti meri penambah ba jaku iban empu. Morfem ka dikena nempa terminalogi nengah penamabah baka –me , be- , enggau ti bukai. Chunto ia telefon enti udah diberi penambah be iya deka nyadi betelefon. Enti ba ayat iya deka dikena baka tu : Anang betelefon maya deriba. Jaku penambah nya leka jaku ti udah diberi penambah, baik ke nya penambah pun jaku, penambah selit, penambah ujung tauka penambah kepit. chara nulis penambah baka tu. semua penambah ditulis besambungka enggau leka jaku ti ditambah iya. Tanda sekang ( - ) enda tau dikena entara jaku penambah enggau urat jaku. Chunto iya baka umai enti udah nerima penambah iya deka nyadi bumai. B ditambah ka.

Proses kedua iya nya betandu ngulang urat jaku sekalika betandu penuh tauka sebagi dikena nempa terminalogi. Chunto jaku betandu iya nya baka besai – besai. Urat jaku besai udah nya ditandu besai – besai ti madah ka utai nya lebih besai agi tauka bela bebesai magang. Chunto ayat ngena besai. Umang besai.  Ba ditu madahka Umang tu besai enti lalu enti besai – besai chunto iya Sida Umang sebilik besai – besai magang.   Ba ditu madah ka sida umang sebilik bela bebesai.

Proses ketiga iya nya jantil leka jaku. Jantil leka jaku tauka lebih leka jaku dikena nempa terminalogi. Chunto iya baka tu penamabah pun ea baka anti urat jaku komunis. Enti dipejantilka iya deka nyadi antikomunis. Reti leka jaku anti tu tadi ea orang ti enda rindu tauka enda besetuju lalu reti komunis tu iya nya orang ti ngachau sereta ngaga penyarut lalu ngelaban perintah. Enti udah dipejantila reti iya mega deka bebida antikomunis reti iya nya orang ke enda rindu tauka enggai meda orang tin gaga pengerusak tauka ngachau orang sereta ngelaban perintah.